काठमाडौं । हिमालयन बैंक र सिभिल बैंक लिमिटेडले शुक्रबारदेखि एकिकृत कारोबार सुरु गर्ने भएका छन् ।
गत पुस २८ गते साधारण सभा गरी मर्जको प्रस्ताव पारित गरेका दुई बैंकले हिमालयन बैंककै नामबाट एकीकृत कारोबार सुरू गर्न लागेका हुन् ।
एकीकृत कारोबारसँग सिभिल बैंकको अस्तित्व भने सकिएको छ । हिमालयन बैंकले सिभिल बैंकलाई ८० प्रतिशतको रेसियोमा आफूमा गाभेको हो । जस अनुसार सिभिल बैंकको सय कित्ता शेयर हुनेहरुले अब हिमालयन बैंकको ८० कित्ता शेयर प्राप्त गर्नेछन् ।
मर्जपछि बैंकको चुक्ता पूँजी २१ अर्ब ६५ करोड पुगेको छ भने कुल सम्पति ३४ खर्ब ३४ अर्ब पुगेको छ ।
१ सय ८९ शाखासहित बैंकसँग दुई खर्ब ७४ अर्बको निक्षेप र दुई खर्ब ५० अर्बको कर्जा लगानी रहेको छ ।
