काठमाडौँ । काठमाडौँबाट साउदी अरेबियाको दमाम उडेको नेपाल एयरलाइन्सको जहाज काठमाडौँ नै फर्किएको छ ।
बुधबार राति काठमाडौँबाट दमामका लागि उडेको आर ए ४१२ उडानको जहाज पाकिस्तानको सीमा समाप्त भएर कुवेत प्रवेश गर्ने क्रममा प्रवेश नपाएपछि नेपाल नै फर्किएको हो ।
नेपाल एयरलाइन्सको उक्त जहाजमा टिकास प्रविधि फेल भएको थियो । यो प्रविधिले अरु जहाजसँगको दूरीबारे जहाजलाई जानकारी दिन्छ ।
यसै प्रविधिको सहायताले पाइलटले आफ्नो जहाजलाई अरु जहाजसँग ठोक्किनबाट रोक्न तलमाथि गराउने वा मार्ग परिवर्तन गर्न सक्छन् । तर नेपाल एयरलाइन्ससँगको बुधवारको उडानमा यो प्रविधि फेल भएको त्रिभुवन अन्तर्राष्ट्रिय विमानस्थल स्रोतले जानकारी दियो ।
