माघ महिनामा निक्षेपको ब्याजदर घट्ने

माघ महिनामा निक्षेपको ब्याजदर घट्ने

काठमाडौँ । वाणिज्य बैंकहरुले माघ महिनामा निक्षेपको ब्याजदर घटाउने भएका छन्। पछिल्लो चार महिनायता निक्षेपको ब्याजदर स्थिर राखेका बैंकहरुले माघमा निक्षेपको ब्याजदर घटाउने निर्णय गरेका हुन् ।

बैंकर्स संघको बैठकले नै माघदेखि वाणिज्य बैंकहरुले एक वर्षे व्यक्तिगत मुद्दती निक्षेपमा अधिकतम ११ प्रतिशत ब्याजदर प्रकाशित गर्ने पनि निर्णय गरेको छ। त्यस्तै, एक वर्षे संस्थागत मुद्दती निक्षेपको अधिकतम ब्याजदर ९ प्रतिशत कायम हुनेछ भने साधारण बचतमा ६ प्रतिशत ब्याज दिनुपर्नेछ ।

पुसमा बैंकहरूले एक वर्षे व्यक्तिगत मुद्दती निक्षेपमा अधिकतम १२.१३३ प्रतिशत, संस्थागत मुद्दती निक्षेपमा १०.१३३ प्रतिशत र साधारण बचतमा ७.१३३ प्रतिशत ब्याज दिइरहेका छन्।

वित्तीय प्रणालीमा तरलताको अवस्थामा सुधार भएपछि ब्याजदर घटाउने निर्णय भएको बैंकर्स संघले जनाएको छ । वाणिज्य बैंकहरूले पुसका लागि निक्षेपको ब्याजदर घटाएपछि विकास बैंक र वित्तीय कम्पनीले पनि घटाउने सम्भावना छ ।

मिल्दो जुल्दो समाचार

No stories found.
Ph: +९७७-१-५१७२६४० | news.dailynewsnepal@gmail.com | अध्यक्ष तथा प्रबन्ध निर्देशक: मधुसूदन बजगाईं | सम्पादकः शर्मिला घिमिरे | दर्ता नं. ००१०२/०७८-०७९
Daily News Nepal
www.dailynewsnepal.com