क्रिकेटर केएल राहुल र आथिया शेट्टीले कसे लगनगाँठो

क्रिकेटर केएल राहुल र आथिया शेट्टीले कसे लगनगाँठो

एजेन्सी । बलिउड अभिनेता सुनिल शेट्टीकी छोरी आथिया शेट्टी र भारतीय क्रिकेटर केएल राहुलको बिहे भएको छ। सोमबार उनीहरूले सुनिलको खण्डलास्थित फार्महाउसमा बिहे गरेको भारतीय सञ्चारमाध्यमहरूले जनाएका छन्।

उनीहरूले परिवार, आफन्त, साथीभाइ र निकटका व्यक्तिहरूलाई मात्र निम्ता दिइएको बताइएको छ। सोमबारै आथिया र राहुलले आफ्नो इन्स्टाग्राममार्फत् आफ्नो बिहेको तस्बिर सार्वजनिक गरेका छन्।

उनीहरूले फोटा राख्दै लेखेका छन्, 'आज हाम्रा प्रियजनहरूको उपस्थितिमा हामीले बिहे गरेका छौं। हामी यो यात्रामा सबैको आशीर्वादको कामना गर्छौं।'

सुनिल शेट्टीले आफ्नी छोरीको विवाहलाई गोप्य राख्ने सक्दो प्रयास गरेका थिए। आथिया र केएलको दुवै परिवारले विवाहबारे कुनै जानकारी दिएका थिएनन्।

भारतीय सञ्चारमाध्यमहरूका अनुसार उनीहरूको बिहेको कुनै तस्बिर वा भिडिओ लिक नहोस् भनेर विवाहमा पाहुनालाई मोबाइल समेत बोक्न नदिने भएका थिए।

आथिया र केएलले सन् २०२२ मा इन्स्टाग्राममार्फत आफूहरू प्रेम सम्बन्धमा रहेको बताएका थिए।

मिल्दो जुल्दो समाचार

No stories found.
Ph: +९७७-१-५१७२६४० | news.dailynewsnepal@gmail.com | अध्यक्ष तथा प्रबन्ध निर्देशक: मधुसूदन बजगाईं | सम्पादकः शर्मिला घिमिरे | दर्ता नं. ००१०२/०७८-०७९
logo
Daily News Nepal
www.dailynewsnepal.com