चलचित्रको बजार बिस्तारमा जोड दिऔँ : सचिव अर्याल

चलचित्रको बजार बिस्तारमा जोड दिऔँ : सचिव अर्याल

काठमाडौं । सञ्चार तथा सूचना प्रविधि मन्त्रालयका सचिव डा. वैकुण्ठ अर्यालले नेपाली चलचित्रहरु किन चल्न सकेनन् भन्नेबारे गहन अध्ययन हुनुपर्ने बताउनुभएको छ ।

शुक्रवार काठमाडौंमा भएको चलचित्र निर्माताहरुको वृहत भेला तथा छलफल अन्तरक्रिया कार्यक्रममा बोल्दै यस्तो बताउनुभएको हो ।

उहाँले दर्शकका चाहना, रुचीलाई पूरा गर्न नेपाली फिल्महरु किन असक्षम भइरहेका छन् भन्ने बारेमा गम्भीर छलफल र समीक्षा गर्न चलचित्रकर्मीहरुलाई आग्रह गर्नुभयो ।

उहाँले चलचित्र प्रदर्शनी गर्दापनि कसरी चलचित्र चलाउन सकिन्छ रु कसरी दर्शकको मन जित्न सकिन्छ भन्नेकुराको विचार गर्न आवश्यक रहेको बताउनु भयो ।

उहाँले विदेशी फिल्महरुको दबदबा रोक्नुपर्छ भन्दै गर्दा दर्शकले रुचाउने र चाहने कुराहरुको परिपूर्ति गर्न नेपाली फिल्महरु किन असक्षम छन् भन्ने बारेमा चलचित्रकर्मीहरुले पहिलो ध्यान दिन आवश्यक रहेको बताउनु भयो । उहाँले नेपाली चलचित्रलाई अघि बढाउन बजार बिस्तारको आवश्यक रहेको पनि बताउनु भयो ।

सचिव अर्यालले चलचित्र क्षेत्रका समस्या पहिचान गरेर मन्त्रालयमा समस्या लिएर आए मन्त्रालयले आवश्यक काम कारबाही अघि बढाउन सहजीकरण गर्ने प्रतिवद्धता गर्नुभयो ।

मिल्दो जुल्दो समाचार

No stories found.
Ph: +९७७-१-५१७२६४० | news.dailynewsnepal@gmail.com | अध्यक्ष तथा प्रबन्ध निर्देशक: मधुसूदन बजगाईं | सम्पादकः शर्मिला घिमिरे | दर्ता नं. ००१०२/०७८-०७९
logo
Daily News Nepal
www.dailynewsnepal.com