काठमाडौं । भारतमा कोरोना बढेसंगै जिल्ला प्रशासन कार्यालय कैलालीले सीमानाकामा जाँचलाई कडाई गर्न निर्देशन दिएको छ ।
छिमेकी राष्ट्र भारत तथा चीनमा कोभिडको नयाँ भेरियन्टको सङ्क्रमण बढ्न थालेपछि सीमानाकाबाट आवत–जावत गर्नेलाई अनिवार्य जाँच गर्न निर्देशन दिएको हो ।
प्रमुख जिल्ला अधिकारी किरण थापाको अध्यक्षतामा बसेको बैठकले सीमानाकामा जाँचको व्यवस्था कडाईका साथ गर्न निर्णय गरेको छ ।
यस्तै प्रशासनले सीमानाकामा सञ्चालित हेल्थ डेस्कलाई थप जनशक्ति, पूर्वाधार लगायतको व्यवस्थापन गर्न पनि निर्देशन दिएको छ ।
सीमानाकामा सञ्चालित हेल्थ डेस्कलाई थप जनशक्ति, पुर्वाधार लगायतका व्यवस्थापनमा स्वास्थ्य कार्यालय, धनगढी उपमहानगरपालिका र टीकापुर नगरपालिकाले प्रदेश सामाजिक विकास मन्त्रालयसँग समेत समन्वय र सहकार्य गरि प्रभावकारी रुपमा काम गर्नुपर्ने छ ।
