धरान उपमहानगरका मेयर साम्पाङ डोजर लिएर बस्तीतिर, झडपमा केही घाइते

धरान उपमहानगरका मेयर साम्पाङ डोजर लिएर बस्तीतिर, झडपमा केही घाइते

काठमाडौं । धरान उपमहानगरपालिकाका मेयर हर्क साम्पाङले पनि डोजर लगाउनुभएको छ ।

सार्वजनिक जग्गा अतिक्रमण गरेर बनाएका संरचना हटाउन साम्पाङले डोजर चलाउनुभएको हो। आइतबार धरान ५ स्थित देउरालीमा सार्वजनिक जग्गा खोला अतिक्रमण गरी बनाएको घर भत्काइएको छ ।

डोजर चलाउने क्रममा सुरक्षाकर्मी र स्थानीय बासिन्दा बीच झडप समेत भएको छ । उपमहानगरको डोजरको सिसा फुटेको तथा केही व्यक्ती सामान्य घाइते भएको धरान प्रहरीले जनाएको छ ।

धरान उपमहानगरपालिकाले आइतबार बिहान मुना चौधरी लिम्बूले बनाएको घर भत्काएको हो । बहुजातीय रंगशाला बनाउने भनेको क्षेत्रमा घर बनाएकाले डोजर लगाएर हटाएको धरान उपमहानगरपालिकाले जनाएको छ । घर बन्दै गर्दा समेत महानगरले निर्माण कार्य रोक्न पत्र समेत पठाएको थियो ।

यसअघि पनि बन्दै गरेका अवस्थामा उक्त घर भत्काउन नगर प्रहरीसहितको टोली डोजर लिएर उक्त स्थानमा पुगेका थियो तर स्थानीयको विरोधका कारण घर नभत्काई फर्किएको थियो । यसपटक भने ठूलो संख्यामा सुरक्षाकर्मी परिचालन गरेर घर भत्काइएको छ ।

मिल्दो जुल्दो समाचार

No stories found.
Ph: +९७७-१-५१७२६४० | news.dailynewsnepal@gmail.com | अध्यक्ष तथा प्रबन्ध निर्देशक: मधुसूदन बजगाईं | सम्पादकः शर्मिला घिमिरे | दर्ता नं. ००१०२/०७८-०७९
logo
Daily News Nepal
www.dailynewsnepal.com