डेंगुबाट थप एकजनाको मृत्यु

डेंगुबाट थप एकजनाको मृत्यु

काठमाडौं । डेंगुबाट आज थप एकजनाको मृत्यु भएको छ। स्वास्थ्य तथा जनसंख्या मन्त्रालयका सह–प्रवक्ता डा समिरकुमार अधिकारीका अनुसार पछिल्लो पटक एकजनाको मृत्यु भएसँगै नेपालमा डेंगुबाट मृत्यु हुनेको संख्या ५८ जना पुगेको छ।

हाल देशभरिका ७७ जिल्ला गरी ५१ हजार ४ सयभन्दा बढी डेंगुका बिरामी देखिएको जानकारी उनले दिए। बिरामीमध्ये सबैभन्दा बढी काठमाडौंमा १३ हजार ८३३ जना र ललितपुरमा ९ हजार ५४० जना रहेको डा अधिकारीले जानकारी दिए। भक्तपुरमा ५ हजार ५०४ जना डेंगुका बिरामी रहेका छन्।

डेंगुको संक्रमण फैलिएको चवालिसौँ हप्तामा आईपुग्दा वर्षा यामको अन्त्य र तापक्रम पनि घटेसँगै लामखुट्टेको संख्या पनि घट्दो क्रममा रहेकाले डेंगुको संक्रमण घट्न थालेको उनले बताए।

मिल्दो जुल्दो समाचार

No stories found.
Ph: +९७७-१-५१७२६४० | news.dailynewsnepal@gmail.com | अध्यक्ष तथा प्रबन्ध निर्देशक: मधुसूदन बजगाईं | सम्पादकः शर्मिला घिमिरे | दर्ता नं. ००१०२/०७८-०७९
Daily News Nepal
www.dailynewsnepal.com