काठमाडौं । धनगढीमा ग्रेडरको ठक्करबाट एक बालिकाको ज्यान गएको छ ।
आज बिहान धनगढी–५ स्थित हसनपुर–पिपल चौतारा सडकखण्डमा स्कुल जादै गरेकी १५ वर्षीया चेतना साउदलाई ग्रेडरले ठक्कर दिएको थियो।
सडक सम्याउने क्रममा ना १ क ९७५ नम्बरको ग्रेडरको ठक्करले पञ्चोदय माध्यमिक विद्यालयमा कक्षा ८ मा अध्ययनरत बालिका साउदको घटनास्थलमै मृत्यु भएको प्रहरीले बताएको छ ।
ठक्कर दिने कालिका कन्ट्रक्सनको ग्रेडर र चालक चितवनको भरतपुर महानगरपालिका–२८ का २७ वर्षीय बिमल कुमाललाई प्रहरीले नियन्त्रणमा लिएको छ । घटनाको विरोधमा स्थानीय वासिन्दा र विद्यार्थीले विरोध प्रदर्शन तथा नाराबाजी गरेका छन् ।
