काठमाडौं । नेपाली काँग्रेस संसदीय दलको नेतामा प्रधानमन्त्री एवं पार्टी सभापति शेरबहादुर देउवा विजयी बन्नुभएको छ ।
बुधवार संसदीय दलको नेताका लागि काँग्रेस संसदीय दलको कार्यालय सिंहदरबारमा भएको निर्वाचनमा प्रधानमन्त्री देउवा विजयी हुनुभएको हो ।
पार्टी सभापति देउवाले ६४ मत प्राप्त गर्दा महामन्त्री थापाले २५ मत प्राप्त गर्नुभयो । संसदीय दलको नेताका लागि भएको चुनावमा ८९ जना सांसदले नै सहभागी जनाउनुभएको थियो । नेपाली काँग्रेस संसदीय दलको निर्वाचनमा सांसद माया राईले भने अस्पतालबाट नै भोट हाल्नुभएको थियो ।
