क्यानडामा तीन हिन्दु मन्दिरमा चोरी, सुचना दिनेलाइ २ हजार डलर इनाम

क्यानडामा तीन हिन्दु मन्दिरमा चोरी, सुचना दिनेलाइ २ हजार डलर इनाम

क्यानडा । क्यानडाको ओन्टारियो प्रान्तमा रहेको तीन हिन्दू मन्दिरमा तोडफोड र चन्दा बाकसबाट ठूलो मात्रामा नगद चोरी भएको घटना सार्वजनिक भएको छ । 

यस घटनामा संलग्नको खोजी भइरहेको दुरहाम क्षेत्र प्रहरीले जनाएको छ । प्रहरीले विज्ञप्तिमार्फत ५ फिट ९ इन्च अग्लो मानिसलाई देखिएको र शारीरिक रुपमा अशक्त देखिएको बताएको छ ।

क्यानडा प्रहरीका अनुसार ती व्यक्तिलाई अक्टोबर ८ मा पिकरिङको बेली स्ट्रिट र क्रसनो बुलेभार्ड क्षेत्रमा रहेको एउटा मन्दिरमा प्रवेश गरेको देखिएको थियो । उनले नीलो सर्जिकल मास्क, टाइट जिप हुड भएको कालो पुफी ज्याकेट, हरियो क्यामो कार्गो प्यान्ट र हरियो स्पोर्ट सुज लगाएको देखियो ।

समाचार एजेन्सी पीटीआईका अनुसार प्रहरीले निगरानी फुटेज फेला पारेको छ, जसमा एक व्यक्तिले राती १२ः४५ बजे मन्दिरमा प्रवेश गर्छन र चन्दाको लागि राखिएको बाकसबाट ठूलो मात्रामा नगद चोरेर हिडछन् । सुरक्षाकर्मी पुग्नुअघि नै उनी फरार भएको प्रहरीले जनाएको छ । 

तर केही समयपछि राती १ः३० बजे उनले पिकरिङको ब्रोक रोड र डरसन स्ट्रीट क्षेत्रमा रहेको अर्को मन्दिरमा तोडफोडसमेत गरेका थिए ।

एक व्यक्तिले झ्याल फुटाएर दानमा राखिएको तिजोरी चोर्न खोजेको मन्दिरका एक बासिन्दाले बताए । उनका अनुसुार तर उनी आफ्नो घृणित कार्य गर्न सफल भने हुन सकेनन् र प्रहरी नपुग्दै भागेका थिए । यो सबै फुटेजमा पुष्टि हुन्छ कि त्यो व्यक्ति त्यही संदिग्ध हो, जसले पहिले ब्रेक-एन्ड-इन्ट्री घटना गर्‍यो।

कुरा यहींमा मात्रै  रोकिएको छैन । सोही दिन बिहान करिब २ः५० बजे सोही व्यक्तिले वेस्टनी रोड साउथ र अजाक्सको बेली स्ट्रिट वेस्ट क्षेत्रमा रहेको अर्को मन्दिरलाई निशाना बनाएर प्रवेश गरेका थिए । त्यहाँबाट उनले चन्दा बाकसबाट ठूलो मात्रामा नगद चोरेका थिए ।

प्रहरीले शंकास्पद व्यक्तिको बारेमा कसैलाई जानकारी पाएमा तुरुन्त प्रहरीलाई खबर गर्न आग्रह गरेको छ । प्रहरीले सूचना दिने जो कोहीलाई २ हजार क्यानेडियन डलर नगद पुरस्कार दिने पनि घोषणा गरेको छ ।

Related News

No stories found.
Ph: ++977-1-5172640 | news.dailynewsnepal@gmail.com | Publisher : Mellow Arc Media Pvt.Ltd.| Editor: Madhusudan Bajgain| Reg.No: 00102/078-079
logo
Daily News Nepal
www.dailynewsnepal.com