नागरिकता विवाद झिकेर फसाउन खोजियो : रवि लामिछाने

 नागरिकता विवाद झिकेर फसाउन खोजियो : रवि लामिछाने

काठमाडौँ । राष्ट्रिय स्वतन्त्र पार्टीका सभापति रवि लामिछानेले आफ्नो नागरिकता विवाद झिकेर फसाउन खोजेको बताएउनु भएको छ ।

चितवनको नारायणी किनारमा आज आयोजित चुनावी आमसभालाई सम्बोधन गर्दै लामिछानेले अन्य फसाउने कुनै आधार नभेटेपछी नागरिकताको झुटो विवाद निकालेर फसाउन खोजेको बताउनु भएको हो ।

लामिछानेले आँफु पनि केही नगर्ने र अरुले केही गर्छु भन्नेसँग पनि सधैं जवाफ खोज्ने गरेको बताउँनु भयो ।

उहाँले चितवनले व्यक्तिलाई मात्रै नभएर देशलाई नै न्याय गर्ने भएकोले आफूलाई चितवनकै जनताको मतले जोगाउन सक्ने बताउनु भयो ।

उहाँले आफूले हिजोका दिनदेखि नै सबैको कानमा घण्टी बजाइरहेकोले गर्दा अभिमन्यूको नियति भोग्नुपरेको बताउँदै अब भने जनताको मत प्राप्त गरेपछि ब्याण्ड नै बजाउने बताउनु भयो ।

लामिछानेले नागरिकता विवादतर्फ इंगित गर्दै आफूलाई कुनै दिन जीवित रहेको प्रमाण पनि पेस गर्न लगाउन सक्ने बताउनुभयो ।

उहाँले नेपाली नागरिकको दुस्खलाई सम्बोधन गर्नकै लागि यो अभियान सुरु गरेको बताउँदै मंसिर ४ मा घण्टी चिह्नलाई मतदान गरी सहयोग गर्न आग्रह गद आफ्नो पार्टीले चुनाव नजिते देश फेरि पनि भ्रष्टाचार र बेथितिको जालोमा पर्ने दाबीसमेत गरे ।

मिल्दो जुल्दो समाचार

No stories found.
Ph: +९७७-१-५१७२६४० | news.dailynewsnepal@gmail.com | अध्यक्ष तथा प्रबन्ध निर्देशक: मधुसूदन बजगाईं | सम्पादकः शर्मिला घिमिरे | दर्ता नं. ००१०२/०७८-०७९
Daily News Nepal
www.dailynewsnepal.com