काठमाडौं । दलहरु भित्र आन्तरिक रुपमा सरकारको कामकारवाहीलाई लिएर असन्तुष्टि व्यक्त भइरहेका बेला सत्तारुढ प्रमुख तीन दलका शीर्ष नेताहरु बीच भेटवार्ता भएको छ ।
प्रधानमन्त्री निवास बालुवाटारमा भएको भेटवार्तामा प्रधानमन्त्री पुष्प कमल दाहाल प्रचण्ड, नेपाली काँग्रेसका सभापति शेरबहादुर देउवा र नेकपा एकीकृत समाजवादीका अध्यक्ष माधवकुमार नेपाल सहभागी थिए ।
भेटवार्तामा सरकारका कामकारवाही, आसन्न राष्ट्रियसभा निर्वाचनलगायत समसामयिक राजनीतिकविषयमा छलफल भएको बताइएको छ ।
