काठमाडौं । कोशी प्रदेशका मुख्यमन्त्री केदार कार्कीले आज विश्वासको मत लिँदै छन् । यही असोज २७ गते नियुक्त हुनुभएका मुख्यमन्त्री कार्कीले एक महिनाभित्र विश्वासको मत लिनुपर्ने संबैधानिक व्यवस्था अनुसार उनले आज विश्वासको मत लिन लागेका हुन् ।
नेपाली काँग्रेसका ८ जना प्रदेश सभाका सांसदहरु र एमालेको सहयोगमा मुख्यमन्त्री भएका कार्कीलाई माओवादी केन्द्रले पनि विश्वासको मत दिने निर्णय गरेको छ। विश्वासको मत प्राप्त गरेसँगै कार्कीले मन्त्रीपरिषद विस्तार गर्ने तयारी गरेका छन् ।
