सर्‍यो काँग्रेस महासमिति बैठक, पुस १२ मा केन्द्रीय समिति बैठक

सर्‍यो काँग्रेस महासमिति  बैठक, पुस १२ मा केन्द्रीय समिति  बैठक

काठमाडौँ । नेपाली काँग्रेसको कार्यसम्पादन बैठकले महासमितिको बैठक सार्ने निर्णय गरेको छ। शुक्रबार सानेपास्थित केन्द्रीय कार्यालयमा बसेको बैठकमा महासमितिको बैठक फागुन ७ देखि १० गतेसम्म गर्ने प्रस्ताव भएको कार्यसम्पादन समितिका एक सदस्यले जानकारी दिए।

यसअघि महासमितिको बैठक पुस १६ देखि १९ गतेसम्म गर्ने निर्णय थियो। उक्त बैठक राष्ट्रिय सभाको चुनाव र चिसोका कारण सार्ने निर्णय भएको हो। माघ ११ गते राष्ट्रिय सभाको चुनाव हुँदैछ। कार्यसम्पादन बैठकमा जाजरकोट भूकम्प र समसामयिक राजनीतिक विषयमा छलफल भएको छ।

केन्द्रीय समिति बैठक आह्वान

नेपाली काँग्रेसले केन्द्रीय समिति बैठक बोलाएको छ। शुक्रबार बसेको केन्द्रीय कार्यसम्पादन समितिको बैठक आउँदो पुस १२ गतेदेखि बस्ने गरी केन्द्रीय समिति बैठक बोलाएको हो । उक्त बैठकमा राष्ट्रिय सभा चुनावमा उम्मेदवार चयन, अरू दलहरूसँगको गठबन्धन लगायत विषयमा छलफल हुने काँग्रेसले जनाएको छ।

मिल्दो जुल्दो समाचार

No stories found.
Ph: +९७७-१-५१७२६४० | news.dailynewsnepal@gmail.com | प्रकाशक : मेलो आर्क मिडिया प्रा लि | सम्पादकः शर्मिला घिमिरे | दर्ता नं. ००१०२/०७८-०७९
logo
Daily News Nepal
www.dailynewsnepal.com