काठमाडौँ । परराष्ट्रमन्त्री एनपी साउद आज बेलायत जाँदैछन् । बेलायतका राजा चार्ल्स तृतीयको राज्याभिषेकमा सहभागी हुन साउद बेलायत जान लागेका हुन्।
लण्डनमा रहँदा उनी वेस्टमिन्स्टर एब्बेमा हुने राज्याभिषेक समारोहमा र बकिङ्घम दरबारमा हुने स्वागत समारोहमा सहभागी हुने मन्त्रालयले जनाएको छ । चार्ल्स तृतीयको राज्याभिषेक वैशाख २३ गते(मे ६ तारिख) का लागि तोकिएको छ । वैशाख २६ गते साउद नेपाल फर्कने छन् ।
