काठमाडौं । लुम्बिनी प्रदेशका मुख्यमन्त्री लिला गिरीले पद तथा गोपनियताको शपथ लिनुभएको छ ।
लुम्बिनी प्रदेशका प्रदेश प्रमुख अमिक शेरचनले मुख्यमन्त्री गिरीलाई बिहीवार पद तथा गोपनियताको शपथ गराउनुभएको हो ।
मुख्यमन्त्री गिरीलाई प्रदेश प्रमुख शेरचनले संविधानको धारा १६८ को उपधारा २ बमोजिम बुधवार मुख्यमन्त्रीमा नियुक्त गर्नुभएको थियो ।
मुख्यमन्त्री गिरीसँगै अन्य दुई जना मन्त्रीले पनि शपथग्रहण गर्नुभएको छ ।
एमालेबाट अर्घाखाँची १(१)बाट निर्वाचित चेतनारायण आचार्य र माओवादी केन्द्रबाट बाँकेको १ (१) बाट निर्वाचित कृष्णा केसीले मन्त्रीको शपथग्रहण गर्नुभएको छ । उहाँहरु दुवै जनालाई मन्त्रालयको जिम्मेवारी भने दिइएको छैन ।
