प्रधानमन्त्री भेट्न ओली बालुवाटारमा

प्रधानमन्त्री भेट्न ओली बालुवाटारमा

काठमाडौं । नेकपा एमाले अध्यक्ष केपी ओली प्रधानमन्त्री पुष्पकमल दाहाल ‘प्रचण्ड’लाई भेट्न बालुवाटार पुग्नुभएको छ ।

हिजो गोरखाबाट फर्किएलगत्तै शक्ति बाँडफाँडको बारेमा छलफल गर्न प्रधानमन्त्री प्रचण्ड ओली निवास बालकोट पुग्नुभएको थियो ।

आजको भेटमा मन्त्रिपरिषद् विस्तार, विभिन्न शक्तिशाली पदको बाँडफाँड लगायतका विषयमा छलफल भइरहेको बालुवाटार स्रोतले बताएको छ ।

प्रधानमन्त्रीमा प्रचण्डले विश्वासको मत पाएसँगै मन्त्रिपरिषद् विस्तार गर्ने सहमति भएको थियो । तर अहिलेसम्म मन्त्रीपरिषद् बिस्तार भएको छैन ।

त्यही विषयमा छलफल गर्न दुई नेताको भेट भएको हो । आज बोलाइएको मन्त्रिपरिषद्को बैठक पनि स्थगित गरिएको छ ।

मिल्दो जुल्दो समाचार

No stories found.
Ph: +९७७-१-५१७२६४० | news.dailynewsnepal@gmail.com | अध्यक्ष तथा प्रबन्ध निर्देशक: मधुसूदन बजगाईं | सम्पादकः शर्मिला घिमिरे | दर्ता नं. ००१०२/०७८-०७९
logo
Daily News Nepal
www.dailynewsnepal.com