रवि लामिछानेमाथि खोया प्रहार भएको देखिएनः प्रहरी

रवि लामिछानेमाथि खोया प्रहार भएको देखिएनः प्रहरी

पोखरा । राष्ट्रिय स्वतन्त्र पार्टी (रास्वपा) सभापति रवि लामिछानेलाई खोया प्रहार गरेको आरोपमा पक्राउ परेका सन्तोष रानाभाट रिहा भएका छन् । प्रहरीले उनलाई हिजाे मंगलबार साधारण तारेखमा रिहा गरेको हो । कास्की प्रहरी प्रमुख एसपी मोहन थापाले रानाभाटले लामिछानेलाई नियतबस खोया प्रहार गरेको पुष्टि नभएको बताए ।

रानाभाटले आफूले खोया हानेको नभई मकै खाएर फाल्दा भुलबस लामिछानेतिर गएको बयान प्रहरीमा दिएका छन् । गत ८ पुसमा पोखरामा आयोजित एक कार्यक्रममा लामिछानेले भाषण गरिरहेका बेला लमजुङको राइनास नगरपालिका–८ भाटगाउँका स्थायी बासिन्दा रानाभाटले खोया प्रहार गरेका थिए ।

प्रहरीले तत्काल उनलाई नियन्त्रणमा लिएकामा लामिछानेले रानाभाटलाई केही नगरी छाडिदिन आग्रह गरेका थिए । तर, शान्ति भंग गरेको आरोपमा प्रहरीले उनलाई हिरासतमा राखेको थियो ।

मिल्दो जुल्दो समाचार

No stories found.
Ph: +९७७-१-५१७२६४० | news.dailynewsnepal@gmail.com | प्रकाशक : मेलो आर्क मिडिया प्रा लि | सम्पादकः शर्मिला घिमिरे | दर्ता नं. ००१०२/०७८-०७९
logo
Daily News Nepal
www.dailynewsnepal.com