काठमाडौं । नेपाली काँग्रेसले राष्ट्रपतिका लागि आफ्नै उम्मेदवारमा राष्ट्रिय सहमती हुनुपर्ने अडान लिएको छ ।
राष्ट्रपति निर्वाचनलालई लिएर सत्तारुढ गठबन्धनमा समेत खलबल भइरहेका बेला नेपाली कांग्रेसका नेता एवम् पूर्व सञ्चारमन्त्री ज्ञानेन्द्रबहादुर कार्कीले राष्ट्रपतिका लागि सर्वस्वीकार्य व्यक्ति आफ्नो पार्टीमा मात्रै रहेको दावी गर्नुभएको छ ।
नेता कार्कीले राष्ट्रपतिमा आफ्नो पार्टीलाई स्वीकार्य बनाउन काँग्रेसले प्रधानमन्त्री पुष्पकमल दाहाललाई विश्वासको मत दिएको तर्कसमेत गर्नुभयो ।
सुनसरीमा आयोजित एक कार्यक्रममा कार्कीले राष्ट्रपति जस्तो सम्मानित संस्थाको नेतृत्व सर्वस्वीकार्य व्यक्तिले गर्नुपर्ने बताउनुभयो । र, त्यस्तो व्यक्ति काँग्रेसमा मात्रे रहेको उहाँको दाबी छ ।