काठमाडौँ- जनता समाजवादी पार्टी (जसपा) नेपालको संसदीय दलको नेतामा पार्टी अध्यक्ष उपेन्द्र यादव निर्वाचित हुनुभएको छ । संसदीय दलको नेता चयनका लागि गठित निर्वाचन समितिले आज यादवलाई निर्वाचित भएको घोषणा गरेको हो ।
पार्टीको संसदीय दलको विधान २०७७ को दफा १० (१) बमोजिम यादव सर्वसम्मत निर्वाचित हुनभएको हो । यसअघि रामसहाय प्रसाद यादव संसदीय दलको नेता हुनुहुन्थ्यो । रामसहाय प्रसाद यादव उपराष्ट्रपति बन्नुभएपछि उहाँकै निर्वाचन क्षेत्रबाट उपनिर्वाचनमा विजयी हुनुभएका उपेन्द्र यादव संसदीय दलको नेता बन्नुभएको हो ।
