लन्डन । युइएफए युरोपा लिगको सेमिफाइनलको पहिलो लेगमा युभेन्टस र सेभिल्लाले बराबरी खेलेका छन् । इटालीको युभेन्ट्स र स्पेनिस क्लब सेभियाले १–१ को बराबरी खेलेका हुन् ।
खेलको २६ औं मिनेटमा युसुफ नासिरीले गोल गर्दै सेभिल्लाकालाई अग्रता दिलाएका थिए । त्यसपछि, इन्जुरी समयको अन्तिम मिनेटमा फेडेरिको गट्टीले गोल गर्दै युभेन्ट्सलाई १–१ को बराबरीमा ल्याए । अब दोस्रो लेग मे १९ मा सेभिल्लाको मैदानमा हुने छ ।
पहिलो लेगमा रोमाद्वारा लिभरकुजेन पराजित
पहिलो सेमिफाइनलको पहिलो लेगमा इटालीको ए.एस रोमाले जर्मनीको बायर लिभरकुजेनलाई पराजित गरेको छ । शुक्रबार बिहान सकिएको खेलमा रोमाले लिभरकुजेनलाई १–० ले पराजित गरेको हो । इटालीको रोममा भएको खेलमा घरेलु टोलीलाई विजयी गराउन एडुवार्डो बोभेले ६२ औं मिनेटमा निर्णायक गोल गरे । जितसँगै रोमाले फाइनल पुग्ने सम्भावना बलियो पारेको छ । दोस्रो लेगको खेल अर्को हप्ता जर्मनीमा हुनेछ ।
