काठमाडौं । न्यु डायमण्ड स्पोर्ट्स क्लब सातौं संस्करणको एनभीए राष्ट्रिय महिला तथा पुरुष क्लब भलिबल च्याम्पियनसिपको महिलातर्फ फाइनलमा प्रवेश गरेको छ ।
त्रिपुरेश्वरस्थित राखेपको कभर्डहलमा शनिबार भएको दोस्रो सेमिफाइनलमा त्रिभुवन आर्मी क्लबलाई ३-१ को सेटमा हराएर न्यु डायमण्ड उपाधि नजिक पुगेको हो ।
पहिलो सेट १७-२५ ले गुमाएपछि न्यु डायमण्डले उत्कृष्ट पुनरागमन गरेको थियो । त्यसपछि तीन सेट २५-१९, २५-१६ र २५-१८ ले जित्दै न्यु डायमण्ड उपाधि नजिक पुगेको हो ।
अब न्यु डायमण्डले उपाधिका लागि नेपाल पुलिस क्लबसँग प्रतिस्पर्धा गर्नेछ । फाइनल खेल आइतबार हुनेछ ।
