टी–ट्वान्टी विश्वकप : भारतलाई हराउँदै इङ्ल्यान्ड फाइनलमा प्रवेश

टी–ट्वान्टी विश्वकप : भारतलाई हराउँदै इङ्ल्यान्ड फाइनलमा प्रवेश

काठमाडौं । इङ्ल्यान्ड आईसीसी टी–ट्वान्टी विश्वकपको फाइनलमा प्रवेश गरेको छ । बिहीबार भएको खेलमा भारतलाई १० विकेटले हराउँदै इङ्ल्यान्ड उपाधि नजिक पुगेको हो । एडिलेट ओभलमा भारतले दिएको १६९ रनको लक्ष्य पछ्याएको इङ्ल्यान्डले १६ ओभर विना विकेटको क्षतिमा लक्ष्य पूरा गर्यो । इङ्ग्ल्यान्डका लागि आलेक्स हेल्स र जोस बट्लरले अर्धशतकीय पारी खेले ।

बल खेलेका हेल्सले ४ चौका र ७ छक्का प्रहार गर्दै ८६ रन बनाए । त्यस्तै जोस बट्लरले ९ चौका र ३ छक्का प्रहार गर्दै ८० रन बनाए । हेल्स र बट्लरको टी–ट्वान्टी विश्वकपमा सर्वाधिक साझेदारी हो ।

दुई खेलाडीले १७० रनको साझेदारी गरे । यसअघि भारतविरुद्ध नै पाकिस्तानका बाबर आजम र मोहमद रिजवानले १५२ रनको साझेदारी गरेका थिए ।

भारतका लागि कुनै ब्याटरले विकेट लिन सकेनन् । यसअघि टस हारेर पहिले ब्याटिङ गरेको भारतले निर्धारित २० ओभरमा ६ विकेट गुमाएर १६८ रन बनाएको थियो ।

भारतका लागि हार्दिक पाण्डेयले सर्वाधिक ६३ रन बनाए । विराट कोहलीले ५० रनको अर्धशतकीय इनिङ खेले । कप्तान रोहित शर्माले २७ रन जोड्दा सूर्यकुमार यादव १४ रनमा आउट भए । इङ्ग्ल्यान्डका क्रिस जोर्डनले तीन विकेट लिए । क्रिस वोक्स र आदील राशिदले एक–एक विकेट लिए । अब इङ्ल्यान्डले फाइनलमा पाकिस्तानसँग खेल्नेछ । फाइनल खेल आइतबार हुनेछ ।

मिल्दो जुल्दो समाचार

No stories found.
Ph: +९७७-१-५१७२६४० | news.dailynewsnepal@gmail.com | अध्यक्ष तथा प्रबन्ध निर्देशक: मधुसूदन बजगाईं | सम्पादकः शर्मिला घिमिरे | दर्ता नं. ००१०२/०७८-०७९
Daily News Nepal
www.dailynewsnepal.com