नासाले अन्तर्राष्ट्रिय स्पेस स्टेशनमा ४ जना अन्तरीक्ष यात्री लिएर जान लागेको स्पेस एक्स रकेटको प्रक्षेपण अन्तिम समयमा रद्द गरेको छ ।
प्राविधिक समस्या देखाउँदै नासाले प्रक्षेपण रोकेको हो । क्यानेडी स्पेस सेन्टरबाट रकेट प्रक्षेपण गर्नु दुई मिनेट अघि इन्जिनमा समस्या आएका कारण प्रक्षेपण रद्द गरिएको नासाले जनाएको छ ।
समस्या देखिएको इन्जिनको मर्मत लगत्तै मौसमले साथ दिए मंगलबार उक्त रकेट प्रक्षेपण गर्ने पनि नासाले जनाएको छ । स्पेस एक्सको फाल्कन रकेटमा नासाका दुई जना अन्तरीक्ष यात्री, एक रुसी अन्तरीक्ष यात्री र एक जना संयुक्त अरब इमिरेट्सका यात्री जाने तयारीमा थिए ।
त्यस्तै, रकेटबाट सबै इन्धन ननिकाल्दासम्म अन्तरीक्ष यात्री रकेटभित्रै रहने भएका छन् ।
